យោងតាមការបង្ហោះរបស់ ក្រសួងវប្បធម៌ និងវិចិត្រសិល្បៈ នាព្រឹកថ្ងៃទី១០ ខែកញ្ញា ឆ្នាំ២០២៦ ស្តីពី អាជ្ញាធរជាតិព្រះវិហារបន្តការងារអភិរក្ស និងជួសជុលប្រាសាទក្រចាប់ ក្នុងមរណីយដ្ឋានប្រាសាទកោះកេរ។
ខាងក្រោមនេះ ជាអត្ថបទនិងខ្លឹមសារទាំងស្រុងដែលបង្ហោះដោយ ក្រសួងវប្បធម៌ និងវិចិត្រសិល្បៈ ៖
អាជ្ញាធរជាតិព្រះវិហារបន្តការងារអភិរក្ស និងជួសជុលប្រាសាទក្រចាប់ ក្នុងមរណីយដ្ឋានប្រាសាទកោះកេរ
ថ្ងៃអង្គារ ១១រោច ខែស្រាពណ៌ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី០៨ ខែកញ្ញា ឆ្នាំ២០២៦ នាយកដ្ឋានអភិរក្ស និងបុរាណវិទ្យា នៃអាជ្ញាធរជាតិព្រះវិហារ ដឹកនាំដោយលោក ភិន ភក្ដី អនុប្រធាននាយកដ្ឋានអភិរក្សនិងបុរាណវិទ្យា និងមានការចូលរួមពីមន្ត្រីបច្ចេកទេសនិងពលករជំនាញ បានរៀបចំពិធីសែនព្រេនសុំសេចក្តីសុខដើម្បីបន្តអនុវត្តគម្រោងអភិរក្ស និងជួសជុលប្រាសាទក្រចាប់ ផ្នែករោងទងខាងត្បូង នៃខ្លោងទ្វាចូលខាងលិច។ គម្រោងនេះអនុវត្តការងារធំៗចំនួនពីរគឺ ១)ចងក្រងឯកសារបច្ចេកទេស និង២)ជួសជុលរោងទងដើម្បីបង្កើនភាពរឹងមាំឡើងវិញ។
ប្រភព និង អត្ថបទ៖ ក្រសួងវប្បធម៌ និងវិចិត្រសិល្បៈ
About the Author
